Estamos a mudar o aspeto do site e adaptando-o a multilingue assim que pode haver coisas bem estranhas! Muito obrigado pela vossa paciência :)

Compartindo coa Sangha: Arteterapia, con Donatienne Theytaz

O próximo sábado 13 de novembro temos unha nova edición dos encontros de “Compartindo coa Sangha”. Este encontro é unha ocasión para gozar dun día de descanso, alegría e fraternidade. Neste mes contaremos co talento (e o cariño) de Donatienne Theytaz, quen nos acompañará nunha actividade de arteterapia accesible para todas as persoas de todas as idades.

A actividade deste mes levarase a cabo entre a cabaña e a antiga escola de Vilas (Gondomar), co seguinte programa:

PRIMEIRA PARTE (Opcional)

13:00h Acollida (na cabaña)

13:30h Meditación camiñando (dende a cabaña ata a antiga escola)

14:00h Xantar compartido

Tempo de Lecer ata as 15:45h

SEGUNDA PARTE

15:45h Pequena meditación

16:00h Arteterapia, con Donatienne Theytaz

17:15h Compartir de experiencias

18:15h Meditación camiñando (dende a antiga escola ata a cabaña)

As persoas que queiran poden unirse dende o mediodía e compartir a comida coa sangha, ou senón incorporarse na xornada da tarde, na cal faremos a actividade de arteterapia na escola. Esta actividade é gratuita, ainda que haberá unha caixa de Dana para quen queira facer aportacións voluntarias.

Posto que nesta ocasión a comida será na antiga escola, pregamos que cada un leve todo o que precise para o xantar (alimentos, utensilios, etc).

Lembrarvos, por último, que para acudir a esta actividade é preciso reservar previamente por teléfono (677 718 791) ou correo electrónico (sangha@terradepresencia.org).

Graciñas!


Podes coñecer máis sobre a labor de Donatienne Theytaz no seguinte enlace:

http://colorsalud.com/