Comunicados

Compartindo coa Sangha: Expresión vocal e musical, con Silvia Melon

O próximo sábado 11 de decembro temos unha nova edición dos encontros de “Compartindo coa Sangha”.

Este tipo de encontros permítennos gozar dun día de descanso, alegría e fraternidade. Neste mes estaremos compartindo o día con Silvia Melon, música, cantante… e amiga querida na sangha, que nos estará acompañando nunha actividade de expresión (e experimentación!) vocal e musical accesible para todas as persoas de todas as idades.

A actividade, como o mes pasado, levarase a cabo entre a cabaña e a antiga escola de Vilas (Gondomar), co seguinte programa:

PRIMEIRA PARTE (Opcional)

13:00h Acollida (na cabaña)

13:30h Meditación camiñando (dende a cabaña ata a antiga escola)

14:00h Xantar compartido

Tempo de Lecer ata as 15:45h

SEGUNDA PARTE

15:45h Pequena meditación

16:00h Expresión vocal e musical, con Silvia Melon

17:15h Compartir de experiencias

18:15h Meditación camiñando (dende a antiga escola ata a cabaña)

As persoas que queiran poden unirse dende o mediodía e compartir a comida coa sangha, ou incorporarse na xornada da tarde, na cal faremos a actividade musical na escola. Esta actividade é gratuita, ainda que haberá unha caixa de Dana para quen queira facer aportacións voluntarias á sangha.

Posto que nesta ocasión a comida será na antiga escola, pregamos que cada un leve todo o que precise para o xantar (alimentos, utensilios, etc).

Lembrarvos, por último, que para acudir a esta actividade é preciso reservar previamente por teléfono (677 718 791) ou correo electrónico (sangha@terradepresencia.org).

Graciñas!

Deixa unha resposta

O teu enderezo electrónico non se publicará Os campos obrigatorios están marcados con *