Estes encontros lévanse a cabo o primeiro venres de mes a través de Google Meet.

Para participar so precisas dispor dunha conta de Gmail. Podes suscribirte á lista de correo para recibir no mesmo día o enlace de acceso.

Así se desenvolve o horario da sangha online:

19:00 Acollida

Na sangha presencial, este é un tempo no que podemos desfrutar de que xa chegamos, que xa estamos no noso verdadeiro fogar, na nosa illa interior. Aproveitamos estes minutos para que todos e todas poidamos acceder correctamente á sala así como coñecernos mellor ou simplemente desfrutar dun repouso compartido.

19: 25 Canto da Tarde

A partir deste momento péchase a sala. Iniciamos, como cada xornada, cunha versión en galego do Canto da Tarde (podes oír a versión oficial en castelán aquí).

19:30 Meditación sentada

A meditación sentada comeza cunha pequena guía que nos lembra como anclarnos á nosa respiración, ó momento presente; despois continuamos en silencio ata oír o son da campá.

20:00 Lectura de Texto

Lemos un pequeno texto de Thay para logo deixar algúns minutos de introspección persoal.

20:15 Compartir do Dharma

Encántanos o compartir do Dharma. Explicamos no momento con máis detalle como se desenvolve, pero principalmente consiste en expresar de xeito amoroso e dende a propia experiencia o que queremos compartir coa sangha (a experiencia do día, as dificultades coa práctica, situacións de conflicto…); mentres, os demáis acollen en silencio, con compaixón e sen xuizo.

21:00 Canto (Despedida)

Compartimos na sala a letra dun pequeno canto co que poder despedirnos.

As actividades marcadas en cor compártense en silencio.